Túrkistanda jaldamaly páterden eki balanyń máıiti tabyldy

TÚRKІSTAN. KAZINFORM - Qazirgi tańda oqıǵanyń barlyq mán-jaıyn anyqtaý jumystary júrgizilip jatyr.

Túrkistan qalasynyń jaldamaly páterleriniń birinen eki jas balanyń máıiti tabyldy. Atalǵan fakti boıynsha qylmystyq is qozǵaldy. Ólimniń sebebin anyqtaý úshin balalardyń denesi saraptamaǵa joldandy.

«Qazirgi tańda bolǵan oqıǵanyń barlyq mán-jaıyn anyqtaý jumystary júrgizilip jatyr. Balalardyń qaıtys bolǵany men olardyń meken-jaıy týraly qurbysyna habarlaǵan ananyń, ıaǵnı Qyzylorda oblysy turǵynynyń ornalasqan jerin anyqtaý maqsatynda qajetti jedel-tergeý sharalary júrgizilýde. Іstiń tergeý barysy meniń jeke baqylaýymda. Turǵyndardan jalǵan aqparat taratpaýdy suraımyn», - dedi Túrkistan oblysy Polıtsııa departamentiniń bastyǵy Murat Qabdenov.