Túrkistanda zańsyz salynǵan 14 ǵımarat sot sheshimimen buzyldy

TÚRKІSTAN. KAZINFORM — Ruqsatsyz qurylys júrgizgender 30 mln teńgege jýyq aıyppul tóleıtin boldy.

Sala mamandary júrgizgen monıtorıng jáne baqylaý jumystarynyń nátıjesinde 112 kásipkerlik nysan tolyq aıaqtalmaı paıdalanýǵa berilgendigi anyqtalǵan. Olardyń basym bóligi Táýke han dańǵyly, Táýelsizdiktiń 10 jyldyǵy kóshesi, S.Qojanov, S. Erýbaev kósheleri men Qyzylorda jáne Kentaý tas joldary boıynda ornalasqan. Sot sheshimimen 14 nysan buzyldy. Sondaı-aq, zańsyz salynǵan qurylys nysandarynyń ıelerine 29 942 120 teńge (7475 AEK) ákimshilik aıyppul salynǵan.

— Túrkistan qalasy kún sanap damyp, jańa nysandar boı kóterýde. Alaıda kez kelgen qurylys zań talaptaryna saı júrgizilýi tıis. Qurylys — tek qala kórki ǵana emes, eń aldymen turǵyndardyń qaýipsizdigi. Sondyqtan zańsyz jáne ruqsatsyz salynyp jatqan nysandarǵa qatań baqylaý júrgizilýde, — delingen Túrkistan oblysy ákimdigi taratqan aqparatta.

Aıta keteıik budan buryn Shymkenttegi «Keń baba» etnoparki buzylyp jatqanyn jazǵan bolatynbyz.