Túrkistanda túsirilgen halyqaralyq telejoba 100 mln-nan asa qaralym jınaǵan
TÚRKІSTAN. KAZINFORM — Byltyr Túrkistan oblysynda belgili ánshi Dımash Qudaıbergen atqarýshy prodıýserlik etetin «Voice Beyond Horizon» halyqaralyq mýzykalyq shoýynyń túsirilimi bastalǵan bolatyn, dep habarlaıdy oblys ákimdiginiń baspasóz qyzmeti.
Jobaǵa Qazaqstanmen qatar Qytaı, Qyrǵyzstan, Italııa, Malaızııa jáne Serbııa elderiniń ánshileri qatysyp jatyr. Olar óńirdiń basty mádenı-týrıstik nysandarynda túsirilim júrgizdi. Ár elden kelgen ónerpazdardy halyqaralyq sarapshylar baǵalaıdy.
«Voice Beyond Horizon» — Dımash Qudaıbergen men qytaılyq «Hunan Broadcasting System» medıa holdınginiń birlesken jobasy. Bul bastamaǵa Qazaqstannyń Týrızm jáne sport mınıstrligi, Mádenıet jáne aqparat mınıstrligi, «Kazakh Tourism» ulttyq kompanııasy jáne jergilikti atqarýshy organdar qoldaý kórsetip otyr.
Qytaılyq «Hunan TV» telearnasynyń málimetinshe, Túrkistan qalasynda túsirilgen halyqaralyq telejoba bir táýlikte 102 mln qaralym jınaǵan. Atalǵan baǵdarlama — aımaqtyq spýtnıktik arnalar arasynda kósh bastap, «KuYun» jáne «Huanwang» platformalarynda da joǵary reıtıngke shyqqan. Túsirilim aıasynda Túrkistan oblysynyń tarıhı jáne týrıstik oryndary kórsetilgen.
Túrkistannan bastalǵan joba Mańǵystaý, Almaty jáne Aqmola oblystarynda túsirilip, sheshýshi fınaly Astana qalasynda ótedi.