Túrkistanda ІT-tehnologııalar arqyly kıberqaýipsizdik nyǵaıtylyp keledi
TÚRKІSTAN. KAZINFORM – Qala ákimdigine qarasty barlyq qurylymdyq bólimshelerdiń kompıýterleri zamanaýı antıvırýstyq baǵdarlamalarmen jabdyqtalǵan.
Memleket basshysy Qasym-Jomart Toqaev óziniń Joldaýlarynda elimizdiń damýy tsıfrlandyrýmen tikeleı baılanysty ekenin, jańa tehnologııalardy ıgerý memlekettiń básekege qabilettiligin arttyratynyn únemi atap ótedi. Sondyqtan tsıfrlyq sheshimderdi engizýmen qatar, kıberqaýipsizdikti kúsheıtý de búgingi kúnniń ózekti máselesine aınaldy.
Álemdik tájirıbe kórsetkendeı, aqparattyq qaýipsizdikti elemeý memleket úshin de, qoǵam úshin de úlken qater tóndiredi. Osyǵan oraı Qazaqstanda ulttyq deńgeıde keshendi baǵdarlamalar qabyldanyp, barlyq óńirlerde, sonyń ishinde Túrkistan qalasynda da júıeli jumystar júrgizilip keledi. Qala ákimdigi ІT-tehnologııalardy engizý arqyly qaýipsizdik deńgeıin arttyrýǵa, kıbershabýyldardyń aldyn alýǵa baǵyttalǵan naqty qadamdar jasap otyr.
Qala ákimdigine qarasty birqatar mekemede ǵımaratqa kirýdi basqarý jáne baqylaý júıesi engizildi. Bul júıe ǵımarattarǵa ruqsatsyz kirýdiń aldyn alyp qana qoımaı, qyzmetkerlerdiń jumys ýaqyty men qozǵalysyn baqylaýǵa múmkindik beredi. Júıeniń tıimdiligi mekemelerdiń ishki qaýipsizdigin kúsheıtip qana qoımaı, eńbek tártibin saqtaýǵa da yqpal etip otyr.
Sonymen qatar, aqparattyq qaýipsizdikti saqtaý maqsatynda turaqty túrde ishki monıtorıng jumystary júrgizilip turady. Ár aı saıyn ótkiziletin tekserýler barysynda kompıýterlerdiń qorǵanys júıeleri, aqparattardyń qaýipsizdik talaptaryna sáıkestigi, málimetterdiń syrtqa taralmaýy jáne ruqsatsyz baǵdarlamalardyń qoldanylmaýy qatań qadaǵalanady. Bul júıeli baqylaý aqparattyq qaýipsizdiktiń negizgi kepili bolyp otyr.
Túrkistan oblysynyń Tsıfrlandyrý, memlekettik qyzmetter kórsetý jáne arhıvter basqarmasynyń bastamasymen qala ákimdigine qarasty barlyq qurylymdyq bólimshelerdiń kompıýterleri zamanaýı antıvırýstyq baǵdarlamalarmen jabdyqtaldy. Bul shara aqparattyq júıelerdi zııandy kodtardan qorǵap, ınternet arqyly taralýy múmkin qaýipterdiń aldyn alýǵa múmkindik beredi. Ásirese memlekettik qyzmet kórsetý salasynda mundaı qorǵanys mehanızmderiniń bolýy asa mańyzdy, sebebi turǵyndardyń jeke derekteri men qujattary senimdi qorǵalýy qajet.
Memleket basshysy Qasym-Jomart Toqaev Joldaýynda: «Qazaqstan tsıfrlyq derjavaǵa aınalýy úshin kıberqaýipsizdikke erekshe mán berýimiz qajet. Aqparattyq keńistikte el múddesin qorǵaý – strategııalyq basymdyq», – dep atap ótti.
Osy baǵyttaǵy jumystar Túrkistan qalasynda da óz jalǵasyn tabýda. Joǵaryda atalǵan sharalar tek qana qaýipsizdikti arttyryp qoımaı, turǵyndarǵa kórsetiletin memlekettik qyzmetterdiń sapasyn jaqsartýǵa da yqpal etip otyr.
Aldaǵy ýaqytta qala ákimdigi aqparattyq ınfraqurylymdy odan ári jetildirýdi jáne zamanaýı baǵdarlamalyq sheshimderdi engizýdi josparlaǵan. Bul Túrkistannyń óńirlik deńgeıde ǵana emes, respýblıkalyq deńgeıde de tsıfrlandyrý kóshbasshylarynyń qataryna qosylýyna jol ashady.
Qoryta aıtqanda, Túrkistan qalasynda ІT-tehnologııalardy engizý men kıberqaýipsizdikti kúsheıtý baǵytynda atqarylǵan jumystar Memleket basshysynyń Joldaýlarynda aıtylǵan tsıfrlandyrý saıasatyna tolyq sáıkes keledi. Tsıfrlyq sheshimder tek qolaılylyq úshin emes, eldiń aqparattyq qaýipsizdigi men ulttyq múddesin qorǵaýdyń basty quraly bolyp otyr.
Aıta keteıik, budan buryn Túrkistanda elektrondy qyzmetke degen suranys artyp kele jatqanyn jazǵan bolatynbyz.