Túrkistanda sýshı jegen 22 turǵyn ýlanyp qaldy

TÚRKІSTAN. KAZINFORM - Em qabyldap jatqan naýqastardyń jaǵdaıy qalypty.

Áleýmettik jelide taraǵan aqparatqa súıensek, qalada sýshı jegen 55 adam ýlanyp, aýrýhanaǵa túsken. Sondaı-aq sýǵa pisken kúrishti shıki balyqpen orap jegishterdiń 22-si áli em-dom alyp jatqan jaıy bar.

Atalǵan jaǵdaıǵa qatysty pikir bildirgen Túrkistan oblysy ákimdiginiń baspasóz qyzmeti Túrkistan oblysynyń Sanıtarııalyq-epıdemıologııalyq baqylaý departamenti tarapynan tekserý bastalǵanyn málimdedi.

- Túrkistan qalalyq ortalyq aýrýhanasyna 22 naýqas jatqyzyldy. Olarǵa «Taǵamdyq toksıkoınfektsııa, boljamdy jaǵdaı» dıagnozy qoıylǵan. Em qabyldap jatqan naýqastardyń jaǵdaıy qalypty. Barlyǵy juqpaly aýrýlar bólimshesiniń oqshaýlanǵan palatalarǵa jatqyzylyp, em taǵaıyndalǵan, dári-dármek jetkilikti, - delingen ákimdik aqparatynda.

Aıta keteıik, bulan buryn Túrkistan oblysynda 102 adam týberkýlez juqtyrǵanyn jazǵan bolatynbyz.