Túrkistanda senbilikke myńnan astam adam qatysty
TÚRKІSTAN. KAZINFORM – Elimizde «Taza Qazaqstan» ekologııalyq aktsııasy bastalǵaly Túrkistan qalasynda aýqymdy senbilikter uıymdastyrylyp keledi. Búgingi kúnge deıin kıeli shaharda aktsııa aıasynda 100-den asa is-shara ótip, qalanyń ajary ashyla túsken.
Qazaq eliniń ǵana emes, kúlli túrki dúnıesiniń rýhanı astanasyna aınalǵan qalanyń týrıstik áleýetin arttyrýda bul jumystardyń da tıgizer áseri orasan. Búgingi tazalyq jumystaryna 1 myńnan astam adam, 18 tehnıka jumyldyryldy. Aýqymdy senbilik sharasyna qaladaǵy 18 mekemeniń qyzmetkerleri men qala turǵyndary atsalysty. Olar shahardyń 10-nan asa aýmaǵynda tazalyq jumystaryn júrgizdi.
Aıta keteıik, naýqan bastalǵaly beri qala aýmaǵyndaǵy ortalyq mańyzy bar kóshelerdegi kásipkerlik nysandar men qasbetterin retteý boıynsha qalalyq ákimdiktiń 14 mekemesine 32 kóshe bekitilip, merdiger mekemelerdi uıymdastyrý arqyly tıisti jumystar atqaryldy. Nátıjesinde 3 839 nysan saralanyp, jóndeýdi qajet etetin 1 562 nysan anyqtalǵan.
Qazirgi tańda onyń barlyǵy retke keltirilgen. Sondaı-aq kópqabatty úılerdiń qasbetteri men aýlalary jáne sýarý júıeleri qaıta jańartyldy. Kópqabatty úıler aldyna jańadan 297 dana qoqys jáshigi ornatyldy.
