Túrkistanda respýblıkalyq «ıAsaýıtaný - 2025» baıqaýy ótti
ASTANA. KAZINFORM – Túrkistan qalasynda respýblıkalyq «ıAsaýıtaný-2025» baıqaýy óz máresine jetti.
Mádenıet jáne aqparat mınıstrliginiń baspasóz qyzmeti málim etkendeı, is-sharaǵa elimizdiń barlyq óńirinen irikteýden ótken 70-ten asa oqýshy qatysty. Baıqaý 1997 jyldan bastap ótkizilip keledi.
Іs-sharanyń maqsaty – qazaq halqynyń rýhanı tutastyǵyn qalyptastyrǵan Qoja Ahmet ıAsaýıdiń artynda qalǵan rýhanı muralaryn nasıhattaý, óskeleń urpaqty uly baba murasyn meńgerip, zertteýge yntalandyrý, ortaǵasyrlyq Ámir Temir dáýirinen jetken qundy muralardy keńinen nasıhattaý.
Qatysýshylar «ıAsaýı murasy – balaǵa amanat», «Bilimdi myńdy jyǵar alysqanda», «Oı júırik» atty úsh kezeń boıynsha ózara saıysqa tústi. Oqýshylar hıkmetterdi jatqa oqyp, uǵymdardy túsindirdi, sondaı-aq Qoja Ahmet ıAsaýıdiń ómiri men shyǵarmashylyǵyna qatysty suraqtarǵa jaýap berdi.
Baıqaý nátıjesi boıynsha bas júldeni túrkistandyq Qoltaı Ferýza ıelendi. І oryn Jetisý oblysynan qatysqan Ádiljan Shynarǵa jáne aqmolalyq Jaqsylyq Daıanaǵa buıyrdy. Ekinshi oryndy alty qatysýshy ıelense, al 21 qatysýshy ІІІ oryn ıegeri atandy. 3 qatysýshy kórermen kózaıymy nomınatsııasyn jeńip aldy. Barlyq qatysýshy men jetekshi arnaıy dıplommen marapattalyp, syılyqtar tabystaldy.
Halyqaralyq qazaq-túrki ýnıversıtetiniń, «Dintaný jáne teologııa» mamandyǵy boıynsha oqý granty Álimova Aıgerimge jáne Ahmetov Sabyrjanǵa buıyrdy.
Aıta keteıik, Qoja Ahmet ıAsaýı kesenesiniń aınalasynda bıik ǵımarat salýǵa tyıym salyndy.