19:31, 14 Naýryz 2024 | GMT +6
Túrkistanda «Naýryznama» onkúndigi bastaldy
TÚRKІSTAN. KAZINFORM-Túrkistandaǵy etnoaýyl kesheninde Amal merekesi atalyp ótti.
Turǵyndar bir-birin qystan aman-esen shyǵýymen quttyqtap, tós qaǵysty. 70-ke jýyq jas qolónershi óz týyndylarynan kórme uıymdastyrsa, orta arnaýly oqý oryndarynyń stýdentteri qazaqtyń ulttyq taǵamdaryn usyndy.
«Qazaq árqashan Naýryz merekesin erekshe atap ótken. Qystan aman-esen shyqqanyna shúkirlik etip, jaqsylyqqa úmit etken. Osy oraıda, ultymyzdyń mereıin ósirip, bar bolmysymyzdy aıshyqtaıtyn qasıetti – Naýryz merekesi barshamyzǵa qutty bolsyn. Ulys oń, aq mol bolsyn!», - dedi Túrkistan qalasy ákimi apparatynyń basshysy Talǵat Qydyrbaev.
Mazmundy mereke qalalyq Mádenıet úıi ónerpazdarynyń kórisý kúnine arnaıy daıyndaǵan qoıylymymen jalǵasty.
