Túrkistanda medıtsına qyzmetkerine kúsh qoldanǵan turǵyn qamaýǵa alyndy
TÚRKІSTAN. KAZINFORM – Kúdiktige qatysty qylmystyq is qozǵaldy.
Túrkistan qalasynda shaqyrtýǵa barǵan medıtsına qyzmetkerine kúsh qoldaný faktisi boıynsha qylmystyq is qozǵaldy. Búginde kúdikti ýaqytsha ustaý abaqtysyna qamaldy.
Túrkistan oblystyq polıtsııa departamentiniń málimetine súıensek, bolǵan oqıǵanyń barlyq mán-jaıyn anyqtaýǵa baǵyttalǵan qajetti is-sharalar júrgizilip jatyr. Tergeý nátıjesimen zańdy sheshim qabyldanatyn bolady.
- Polıtsııa «Zań men tártip» qaǵıdatyn iske asyrý aıasynda quqyqqa qaıshy áreketter úshin jazanyń bultartpastyǵy qamtamasyz etiletinin atap kórsetedi. Qylmystyq is polıtsııa departamenti basshylyǵynyń baqylaýynda, - delingen Túrkistan oblysy polıtsııa departamentiniń baspasóz qyzmeti taratqan aqparatta.
Aıta keteıik, budan buryn Túrkistan oblysynda qarjylyq pıramıda qurǵandar sottalǵanyn jazǵan bolatynbyz.