Túrkistanda marqumnyń týysynan aqsha talap etti delingen morg tekseriledi

TÚRKІSTAN. KAZINFORM – Áleýmettik jelilerde Túrkistan oblystyq patologııa-anatomııalyq bıýro qyzmetkeri máıitti jerleýge áketý úshin týysynan aqsha talap etkeni týraly beınejazba tarady. 

Onda aǵasy qaıtys bolǵan turǵyn máıitti Otyrar aýdany Sháýildir eldi mekenine alyp kete almaı turǵanyn jáne mekeme qyzmetkeri 35 myń teńge talap etkenin aıtyp, shaǵymyn bildirgen.

Bul máselege qatysty Túrkistan oblysy Densaýlyq saqtaý basqarmasy resmı túsinik berdi.

– Qazirgi ýaqytta atalǵan derek boıynsha ishki tekserý júrip jatyr. Tekserý nátıjesine sáıkes tıisti sharalar qabyldanady, – delingen basqarma usynǵan resmı aqparatta.

Budan buryn medıtsına salasyn tsıfrlandyrý boıynsha Qazaqstan 2026 jylǵa deıin birtutas ekojúıe quratynyn jazǵan edik.