Túrkistanda maqta ótkizgen 100-den asa sharýa aqysyn ýaqtyly ala almaǵan
TÚRKІSTAN. KAZINFORM — Jetisaı aýdanynda sharýa qojalyqtary maqta óńdeý zaýyttarynan tólemdi keshiktirip alý máselesine tap bolǵan. Jalpy bereshek kólemi 300 mln teńgeden asqan.
Tekserý barysynda maqta óńdeý kásiporyndarynyń 111 sharýa qojalyǵymen tolyq esep aıyryspaǵany anyqtaldy. Jetkizilgen ónimge qaramastan dıqandarǵa 344 mln teńge ýaqtyly tólenbegen.
Atalǵan másele oblystyq prokýratýranyń aralasýynan keıin ǵana sheshimin tapty. Qabyldanǵan sharalardan keıin qaryz tolyq óndirilip, sharýalarǵa qaıtaryldy.
— Nátıjesinde bereshek tolyq ótelip, sharýa qojalyqtarynyń quqyqtary qalpyna keltirildi. Bul baǵyttaǵy jumys jalǵasyp jatyr, — dep habarlady Túrkistan oblysynyń prokýratýrasy.
Budan buryn túrkistandyq sharýalar maqta baǵasyna qatysty narazylyq bildirgen edi. Olardyń aıtýynsha, maqta óńdeý zaýyttary arasynda aldyn ala sóz baılasý bolmaýy tıis. Sharýalar ádil básekelestik qalyptasyp, óz ónimderin naryqtaǵy laıyqty baǵamen ótkizýge múmkindik berilsin degen usynys aıtqan.
