Túrkistanda lotos gúldedi
TÚRKІSTAN. KAZINFORM – Túrkistanda qyzǵylt tústi lotos gúldedi. Óńirge 2019 jyly jetkizilgen erekshe gúl 900 sharshy metr aýmaqta ósip jatyr.
Túrkistan qalasyndaǵy jelilik saıabaq pen botanıkalyq baqta lotos gúlderi jaıqalyp ósip tur. Kúndiz gúl ashyp, keshkisin jabylyp qalatyn erekshe gúldi qyzyqtap tamashalaýshylar da kóp. Ásirese, shetten kelgen týrıster tańsyq dúnıeniń janynda sýretke túsip, jelige júktep jatyr. Bir aıta keterligi, sý betinde qalqyp júretin ósimdik aıryqsha kútimdi qajet etpeıdi. Tek aınalasyn ýaqytyly qoqystan tazartyp otyrsa jetkilikti.
«Túrkistanda lotostyń «tuńǵıyq» dep atalatyn túri ósip jatyr. Ol maýsym aıynan qyrkúıek aıyna deıin gúldeıdi. Gúli sý betinde qalqyp júrgendeı áser beredi. Negizinen tuqym arqyly jáne tamyry arqyly kóbeıýde. Túrkistan qalasyna 2019 jyly jetkizildi. Qazir B.Sattarhanov dańǵylyndaǵy jelilik saıabaqtyń 600 sharshy metrinde jáne Áziret Sultan botanıkalyq baǵynyń 300 sharshy metr aýmaǵynda ósip tur», - dedi «Jasyl Túrkistan» KMM dırektor orynbasary Erbol Qaıyrbekov.
