Túrkistanda qurǵaq kókónis óndiretin zaýyt salynady — $90 mln ınvestıtsııa, 300 jumys orny
ASTANA. KAZINFORM — QR Premer-mınıstri Oljas Bektenov qytaılyq Qingdao Wanlin Food Co., Ltd. kompanııasy dırektorlar keńesiniń tóraǵasy Lı ıAntaomen kezdesý ótkizdi, dep habarlaıdy Úkimettiń baspasóz qyzmeti.
Onda aýyl sharýashylyǵy ónimderin tereń óńdeý salasyndaǵy yntymaqtastyq máseleleri talqylandy. Birlesken ınvestıtsııalyq jobalardy, onyń ishinde qurǵaq (keptirilgen) kókónister óndiretin zaýyt salý boıynsha jobalardy iske asyrýǵa kóńil bólindi.
Kezdesý barysynda Qingdao Wanlin Food kompanııasynyń Túrkistan oblysynda ındýstrıaldy park salý jónindegi josparlary qaraldy. Joba jalpy aýdany 70 gektar aýyl sharýashylyǵy ónimderin qaıta óńdeý nysandardy kezeń-kezeńimen iske qosýdyń jáne ónerkásip ınfraqurylymyn damytý jónindegi úsh kezeńin qamtıdy. Bul qurǵaq kókónister, mal azyqtyq daqyldar óndiretin zaýyttardy iske qosý, sondaı-aq qytaı bıznesi tarapynan keminde 15 seriktes tarta otyryp, ónerkásiptik park salý.
Óndiristik qýaty jylyna 50 myń tonna qurǵaq kókónis óndiretin zaýytyn salý jumystary bastaldy. Investor ınvestıtsııa somasyn $30 mln-nan $90 mln-ǵa deıin arttyrdy, 300 jumys ornyn ashý kútilýde. Kompanııa birinshi kezeńde «Túrkistan» ÁKK ónerkásip parkindegi daıyn óndiris nysandaryn jalǵa aldy. Jaqyn arada jabdyqty montajdaý josparlanýda, birinshi kezeńdi paıdalanýǵa berý osy jyldyń shildesinde kútilip otyr. Jobany damytý strategııasy elimizdiń Jetisý jáne soltústik óńirlerinde sábiz jáne sarymsaq óńdeý boıynsha qosymsha zaýyttar sala otyryp, óndiristi keńeıtýdi qamtıdy. Óndirýshi daıyn ónimdi Qazaqstanda satýǵa, sondaı-aq AQSh pen EO naryǵyna eksporttaýǵa nıetti.
— Qazaqstanda ekonomıkanyń negizgi salalarynyń biri retinde aýyl sharýashylyǵyn damytýǵa kóp kóńil bólinýde. Memleket basshysynyń tapsyrmasy boıynsha biz sharýalardy qoldaý sharalaryn edáýir arttyrdyq. Ótken jyly elimizde 4,5 myń tonnaǵa jýyq kókónisten joǵary ónim alyndy. Aýyl sharýashylyǵy óndirisin ártaraptandyrý aıasynda bıyl baqsha daqyldarynyń egis alqaby keńeıtilip, 222 myń gektarǵa deıin jetkizildi. Biz Wanlin Group-pen aýyl sharýashylyǵy ónimderin qaıta óńdeý boıynsha, onyń ishinde elimizdiń agrarlyq óńirlerinde jańa óndiristerdi ornalastyrýdy qamtıtyn uzaqmerzimdi strategııalyq áriptestikke múddelimiz. Qazaqstan birlesken Ǵylymı-zertteý jáne tájirıbelik-konstrýktorlyq jumystar ortalyqtaryn qurý, agrotehnoparkterge ınvestıtsııa salý, eksportqa baǵdarlanǵan logıstıkalyq habtardy damytý arqyly kooperatsııany keńeıtýge ashyq, — dep atap ótti Oljas Bektenov.
Salalyq mınıstrlikter men Túrkistan oblysynyń ákimdigine eki apta merzimde Investıtsııalar týraly kelisim jobasyn daıyndaýdy qamtamasyz etý tapsyryldy.
Óz kezeginde Qingdao Wanlin Food Co., Ltd. dırektorlar keńesiniń tóraǵasy Lı ıAntao Qazaqstan aýyl sharýashylyǵynyń aıtarlyqtaı áleýetine toqtalyp, AÓK ónimderin tereń óńdeý salasyndaǵy birlesken jobalardy júzege asyrýǵa qyzyǵýshylyq bildirdi. Kelissózder qorytyndysy boıynsha taraptar keleshegi zor barlyq baǵyt boıynsha ózara tıimdi yntymaqtastyqty damytýǵa nıetti ekenin jetkizdi.
Aıta keteıik, Qingdao Wanlin Food Co., Ltd. — Qytaıdyń aýyl sharýashylyǵy ónimderin tereń óńdeý salasyndaǵy jetekshi kompanııalarynyń biri. Azyq-túlik qyzmeti qurǵaq kókónisterdi (sarymsaq, aq pııaz jáne t. b.) zertteýge, ázirleýge, óndirýge jáne eksporttaýǵa baǵyttalǵan. Qyzmetkerler sany 1 myń adamnan asady, negizgi quraldardyń kólemi $90 mln-nan asady. ónimder Amerıka Qurama Shtattary men Eýropa elderine eksporttalady. Jyldyq satý kólemi –10 myń tonnadan astam qurǵaq kókónis. Kompanııa Nestle, Unilever, Kerry jáne basqa da iri seriktestermen yntymaqtastyq ornatqan.
Buǵan deıin Qytaımen shekarada jańa aınalma jol salynatyny anyqtaldy.