Túrkistanda «Kórisý kúni - Amal merekesine» arnalǵan mádenı-tanymdyq is-shara ótti
TÚRKІSTAN. KAZINFORM – Túrkistan qalasyndaǵy «Farab» kitaphanasynda ulttyq qundylyqtardy dáripteý jáne qazaq halqynyń salt-dástúrin keńinen nasıhattaý maqsatynda «Kórisý kúni - Amal merekesine» arnalǵan mádenı-tanymdyq is-shara ótti.
Atalǵan is-shara barysynda qazaq halqynyń ǵasyrlar boıy jalǵasyp kele jatqan kórisý dástúriniń máni men mańyzy nasıhattalyp, ulttyq salt-dástúrler men rýhanı qundylyqtardy dáripteýge baǵyttalǵan mazmundy baǵdarlamalar uıymdastyryldy.
Sonymen qatar qatysýshylar ulttyq dástúr aıasynda bir-birimen kórisip, izgi tilekter aıtyp, halqymyzdyń tatýlyq pen syılastyqqa negizdelgen mádenıetin keńinen tanytty.
Іs-sharanyń negizgi maqsaty – óskeleń urpaqqa ulttyq qundylyqtardy nasıhattaý, halqymyzdyń baı murasyn ulyqtaý jáne qoǵamda dástúr sabaqtastyǵyn dáripteý.
Búgin – naýryznamanyń bastaýy bolyp esepteletin Amal merekesi. Osy oraıda Amal kúninde kim kimge baryp kórisý kerek ekeni jaıly málimet usynýdy jón kórdik.
