Túrkistanda koreılik Woosong ýnıversıtetiniń fılıaly ashylady
ASTANA. KAZINFORM – Túrkistanda koreılik Woosong ýnıversıtetiniń fılıaly ashylady. Bul týraly ǵylym jáne joǵary bilim mınıstri Saıasat Nurbek aıtty.
«Búgin birneshe kelisimge qol qoıylady. Birinshisi – Seýl ǵylym jáne tehnologııa ulttyq ýnıversıteti Qyzylordadaǵy Qorqyt ata óńirlik ýnıversıtetiniń bazasynda birlesken baǵdarlama men jasandyq ıntellekt mektebin ashty. Úsh baǵdarlama iske qosylady: jasandy ıntellekt, kompıýterlik ınjınırıng jáne kıberqaýipsizdik. Dárister aǵylshyn jáne koreı tilderinde ótedi. Úzdik oqytýshylar keledi. Bul jasandy ıntellekt jónindegi ulttyq joba aıasynda óte ózekti», - dedi Saıasat Nurbek Aqordada.
Onyń atap ótinshe, otandyq zertteýshilerge «Bolashaq» jáne basqa da baǵdarlamalar aıasynda Koreıanyń úzdik ýnıversıtetteri men zerthanalarynda bilim alýǵa jáne zertteýlermen aınalysýǵa múmkindik beriledi. Koreıa ýnıversıtetteri de Qazaqstan jastaryna bilim granttaryn usynýǵa daıyn.
«Woosong ýnıversıteti kelesi jyly Túrkistan qalasynda kompıýterlik ınjenerııa, kıberqaýipsizdik salalaryna qatysty úlken fılıal ashady. Nelikten Túrkistandy tańdadyq? Óıtkeni ol halyq sany tez ósip kele jatqan qala, ortasha jas - 27 jas. Atalǵan ýnıversıtettiń Qazaqstandaǵy fılıalynyń túlekteri tikeleı Koereıaǵa baryp jumys isteýge múmkindikteri bolady. Jumys vızalary beriledi», - dedi ol.
Aıta keteıik, búgin Aqordada Memleket basshysy Qasym-Jomart Toqaev Qazaqstanǵa úshkúndik memlekettik saparmen kelgen Ońtústik Koreıa Prezıdenti ıÝn Sok Eldi qarsy aldy.
