Túrkistanda kópqabatty úılerde tártip buzǵandarǵa qansha aıyppul salynady

TÚRKІSTAN. KAZINFORM — Kópqabatty turǵyn úılerde qoǵamdyq tártip pen tazalyqty qamtamasyz etý maqsatynda arnaıy baqylaý jumystary kúsheıtildi. 

Qala ákimdiginiń málimetinshe, endi úıdiń ishki erejelerin buzǵan turǵyndar ákimshilik jaýapkershilikke tartylyp, aıyppul tóleıdi. Belgilengen tártipti buzǵany úshin aıyppul mólsheri de qarastyrylǵan. Atap aıtar bolsaq;

• Kireberiste temeki shegý — 58 000 teńge;

• Qoqysty esik aldyna nemese konteınerden tys tastaý — 78 000 teńge;

• Vandalızm (qabyrǵaǵa jazý, graffıtı salý, múlikti búldirý) — 197 000 teńge nemese 20 táýlikke deıin qamaý;

• Túngi ýaqytta (22:00–09:00) tynyshtyqty buzý — jeke tulǵalarǵa 19 600 teńge, kásipkerlerge 78 000 teńge;

• Kireberis dálizge jeke zattar qoıý (velosıped, arba, qoraptar jáne t. b.) — aıyppul salynady.

Erejeni qaıta buzǵan jaǵdaıda aıyppul kólemi sol mólsherde taǵy da esepteledi. Qalalyq ákimdik turǵyndardy qoǵam ıgiligi úshin ortaq tártipke baǵynýǵa shaqyrady.

Aıta keteıik, budan buryn Túrkistanda aqyldy aıaldamalar salynatyndyǵyn jazǵan bolatynbyz.