Túrkistanda «Qolóner qalashyǵy» men jańa ıppodrom salynyp jatyr

TÚRKІSTAN. KAZINFORM – Jyl basynan beri Túrkistan oblysynda týrızm salasyna 63 mlrd teńge ınvestıtsııa baǵyttaldy. Oblys ákimi Darhan Satybaldy jańa týrıstik oryndar men shıpajaılar qurylysy týraly aıtyp berdi.

Ákimniń aıtýynsha, oblystyń týrıstik áleýeti jyl saıyn artyp keledi. Óńirde týrızm salasynyń 3 negizgi baǵyty aıqyndalǵan: tarıhı-tanymdyq, ekologııalyq jáne emdik-saýyqtyrý týrızmi. 

«Jyl basynan beri oblysqa 400 myńnan astam týrıst keldi. Tabıǵı aýmaqtarǵa – 124 myń adam, shıpajaıǵa – 135 myń adam, qonaq úılerge – 210 myń adam barǵan. Sonymen qatar, «Áziret Sultan», «Otyrar» qoryq-mýzeıi sekildi tarıhı oryndarǵa 810 myń adam saıahattaǵan», - dedi D. Satybaldy Ortalyq kommýnıkatsııalar qyzmetinde.

Ákimniń málimetinshe, týrızm salasyna jyl basynan beri 63 mlrd teńge ınvestıtsııa baǵyttaldy. Týrısterge qosymsha ónimder jáne jańa týrıstik baǵdarlamalardy usyný úshin iri jobalar qolǵa alyndy.

«Túrkistan qalasynda 2,5 gektar aýmaqta «Qolóner qalashyǵy» jáne 99 gektar jerge «Ippodrom» salynýda. Jyl saıyn eldi mekendegi emdik-saýyqtyrý uıymdarynyń sany ósýde. 2023-2025 jyldar aralyǵynda 7,5 mlrd teńgeni quraıtyn 6 emdik-saýyqtyrý uıymy salynady», - dedi Darhan Satybaldy.

Aıta keteıik, Túrkistanda shetelge jumys kúshterin daıyndaıtyn Arnaıy ortalyq ashyldy. Bul ortalyq Ulybrıtanııa jáne Ońtústik Koreıada jumys istegisi keletin azamattardy oqytyp, daıyndaıdy.

Sondaı-aq, buryn shetelden ákelinetin sý únemdeý tehnologııalary Túrkistanda shyǵarylyp jatyr.

Oblystaǵy ındýstrııalyq aımaqtarǵa qolaıly jaǵdaı jasaý maqsatynda ındýstrııalyq aımaqtarda elektr energııasy tarıfi 47 teńgeden 25 teńgege deıin arzandatyldy.