19:47, 19 Naýryz 2024 | GMT +6
Túrkistanda qyzǵaldaqtar ashylyp, jylandar ininen shyǵa bastady
TÚRKІSTAN. KAZINFORM- Túrkistanda greıg jáne karolkov qyzǵaldaǵy ashyldy.
Túrkistan oblysynda naýryzdyń sımvoly bolǵan qyzǵaldaqtar ashylyp jatyr. Tabıǵattanýshy Ǵanı Nazarbek Arys qalasy men Ordabasy aýdanynda gúldep turǵan qyzǵaldaqtardy kezdestirip, sýretke túsirip alǵan.
Al, Syrdarııa-Túrkistan tabıǵı parki aýmaǵynda jylandar ininen shyqty. Bul qubylysty orman qorǵaýshylar baıqap, taspaǵa basyp alǵan.
Aıta keteıik, buǵan deıin Ońtústikte órik pen badam aǵashtary gúldegenin jazǵan bolatynbyz.
Sondaı-aq, báısheshek te erte búr jardy.
