Túrkistanda kartop 100 teńgeden satylyp jatyr

TÚRKІSTAN. KAZINFORM - Óńirdegi qoımada kartoptyń qory jetkilikti.

Túrkistan oblysynda azyq-túlik taýarlarynyń baǵasyn turaqtandyrý qatań baqylaýda. Óńirde áleýmettik mańyzy bar azyq-túlikpen qamtamasyz etý jumystaryn «Túrkistan áleýmettik-kásipkerlik korporatsııasy» AQ-nyń turaqtandyrý qory úılestiredi.

Qazirgi tańda turaqtandyrý qorynda jalpy 3500 tonna kartop, 2500 tonna sábiz, 1700 tonna qyryqqabat jáne 2200 tonna pııaz bar. Al kókónis saqtaý qoımasynda 460 tonna kartop, 150 tonna sábiz, 100 tonna pııaz, 25 tonna qyryqqabat, 200 tonna bakaleıalyq ónimder, 62 myń dana jumyrtqa saqtaýly.

- Qoımada kartoptyń kólemi jetkilikti. Alańdaýǵa negiz joq. Іshki naryqta kartop baǵasyn turaqtandyrý úshin bazarlar, iri saýda oryndary men áleýmettik dúken sóreleri jáne jármeńkelerde 100 teńgeden usynylyp keledi. Óńir turǵyndary 36 áleýmettik dúken men iri saýda oryndaryndaǵy 64 áleýmettik buryshta kartopty 100 teńgeden satyp ala alady - delingen Túrkistan oblysy ákimdigi taratqan aqparatta.

Aıta keteıik, budan buryn kartop eksportyna shekteý qoıylǵandyqtan Túrkistandaǵy shekara beketterinde baqylaý kúsheıtilgenin jazǵan bolatynbyz.