Túrkistanda qaraýsyz qalǵan 70 nysan anyqtaldy

TÚRKІSTAN. KAZINFORM — Qala aýmaǵynda túngi jaryqtandyrýmen qamtylmaǵan 38 kósheniń 27-sinde jumystar tolyq aıaqtalǵan. Al qalǵan 11 kóshede jumystar áli jalǵasyp jatyr. 

Qala ákimdiginiń habarlaýynsha, zerdeleý nátıjesinde shahar aýmaǵynda qaraýsyz qalǵan 70 nysan anyqtalǵan, onyń basym bóligi — jeke úıler.

— Atalǵan ǵımarattardyń 12-si joıyldy, qalǵandarynyń ıelerimen retke keltirý nemese súrip tastaý jumystary atqarylyp jatyr, — delingen resmı aqparatta.

Bıyl qalada 200 beınebaqylaý kamerasy tolyq jańartylyp, qosymsha 210 jańa kamera ornatyldy. Al kelesi jyly taǵy 275 kamera ornatý josparlanyp otyr.

Budan buryn Túrkistanda ıt pen mysyqtan zardap shekkender kóbeıgenin jazǵan edik.