Túrkistanda qaqtyǵys aımaǵynan oralǵan 526 balany qoldaý jobasynyń qorytyndysy shyqty

ASTANA. KAZINFORM – Túrkistanda qaqtyǵys aımaqtarynan oralǵan azamattardy qoldaýǵa baǵyttalǵan Eýropalyq odaq pen Birikken Ulttar Uıymynyń birlesken baǵdarlamasynyń ekinshi kezeńiniń qorytyndy otyrysy ótti, dep habarlaıdy QR Syrtqy ister mınıstrligi.

Kezdesýge Qazaqstan SІM ókilderi, múddeli memlekettik organdar, ıÝNISEF, Qazaqstandaǵy EO ókildigi, halyqaralyq uıymdar jáne óńirlik ákimdikter qatysty. Otyrys qorytyndysy boıynsha ári qaraıǵy yntymaqtastyqtyń basymdyqtary aıqyndalyp, tabysty praktıkalardy balalardy qorǵaý jónindegi ulttyq saıasattar men baǵdarlamalarǵa engizý sheshildi.

QR SІM Erekshe tapsyrmalar jónindegi elshisi Stanıslav Vasılenko baǵdarlamanyń ekinshi kezeńiniń sátti aıaqtalýy Qazaqstannyń ıÝNISEF jáne EO-men seriktestiginiń nátıjeliligin kórsetkenin atap ótti. Ol elimiz qaqtyǵys aımaqtarynan 700-den astam azamatty, sonyń ishinde 526 balany qaıtarǵanyn jáne olardyń ornyqty reıntegratsııasy úshin keshendi qoldaý kórsetilgenin eske saldy.

Onyń aıtýynsha, búginde balalardyń jetistikteri oń nátıjeni dáleldeıdi: Almaty oblysynda jasóspirim «Aqbota» zııatkerlik marafonynda 3-oryn, Jetisý oblysynda bir oqýshy halyqaralyq «Ponı» baıqaýynda 1-oryn, al Qaraǵandy oblysynda oqýshy «English Vocabulary» olımpıadasynda 2-oryn aldy.

EO ókildiginiń basshysynyń orynbasary Aaro ıÝlıtalo ıÝNISEF pen Qazaqstan Úkimetimen birlesken jumys balalarǵa, onyń ishinde psıhologııalyq jaraqat alǵandarǵa qaýipsiz ári qolaıly orta qalyptastyrýǵa baǵyttalǵanyn aıtty.

«Balalardyń ómirindegi oń ózgerister qazirdiń ózinde baıqalady. Bul – adam quqyqtaryn qorǵaý men balalardyń ál-aýqatyn qamtamasyz etý jolyndaǵy kúsh-jigerdiń nátıjesi», – dedi ol.

Qazaqstandaǵy ıÝNISEF ókili Rashed Mustafa Sarvar da balalardyń qajettilikterine sezimtal ári ornyqty júıeniń qalyptasyp kele jatqanyn atap ótti.

«Bizdiń ortaq mindetimiz – ár bala bastan ótkergen tájirıbesine qaramastan sapaly kómek alyp, áleýetin tolyq júzege asyra alýy», – dedi ol.

Baǵdarlama nátıjeleri arasynda:

• repatrıant-balalarǵa kórsetiletin qyzmetterdiń sapasyn baqylaý júıesiniń jańartylýy;

• balalardy qorǵaý qyzmetteriniń ulttyq standarttarynyń engizilýi;

• 20 óńirde travmaǵa sezimtal tásil boıynsha mamandar daıarlanyp, 500-den astam qyzmetkerdiń biliktiligi arttyrylýy;

• keıs-menedjment tásiliniń Psıhologııalyq qoldaý ortalyqtary úshin ulttyq deńgeıde bekitilýi;

• «Býyndar arasyndaǵy áńgimeler» ádisiniń engizilip, pedagogtarǵa arnalǵan oqý materıaldarynyń daıyndalýy bar.

Kezdesý aıasynda qatysýshylar Túrkistandaǵy Psıhologııalyq qoldaý ortalyǵy men Otbasyn qoldaý ortalyǵynyń jumysymen tanysty.

Aıta keteıik, Túrkistan oblysynda er adam jubaıyn óltirip, artynsha ózine qol jumsady.