Túrkistanda erli-zaıyptylardyń ólimine qatysty tergeý júrip jatyr
TÚRKІSTAN. KAZINFORM – Qaıǵyly oqıǵa Túrkistan qalasyndaǵy jer úılerdiń birinde bolǵan.
Kórshileriniń aıtýynsha, qaza tapqandardyń biri – er adamnyń ógeı uly, ekinshisi onyń kelini. Olardyń biriniń máıiti úıden, ekinshisi aýladan tabylǵan.
Túrkistan oblystyq polıtsııa departamenti Kazinform tilshisine bergen jaýabynda oqıǵaǵa qatysty qajetti tergeý áreketteri júrgizilip jatqanyn habarlady.
– 26 tamyz kúni Túrkistan qalasynda erli-zaıyptylardy óltirý faktisi boıynsha kúdikti ustalyp, qamaýǵa alyndy. Qazirgi ýaqytta oqıǵanyń barlyq mán-jaılaryn anyqtaýǵa baǵyttalǵan qajetti tergeý áreketteri men jedel-izdestirý is-sharalary júrgizilip jatyr, – dep habarlady polıtsııa.
Tergeý nátıjesi boıynsha tıisti protsestik sheshim qabyldanady. Polıtsııa QR QPK-niń 201-babyna sáıkes, tergeý múddesine baılanysty sotqa deıingi tergep-tekserý derekteri jarııa etilýge jatpaıtynyn málimdedi.
Buǵan deıin Shymkentte áıelin aıaýsyz uryp-soqqan er adam ustalǵanyn jazǵan.
