Túrkistanda ekzotıkalyq sary qarbyzǵa suranys kóp
TÚRKІSTAN. KAZINFORM - Túrkistanda Taılandtan jetkizilgen ekzotıkalyq jemister satylady.
Túrkistan qalasynda sary qarbyz satatyn dúken bar. Kásip ıeleri bul jemisti Almatydan arnaıy alyp keledi. Al, Almatyǵa Taılandtan jetkiziledi.
Jergilikti turǵyndardyń tańsyq dúnıege degen suranysy joǵary. Satýshylardyń aıtýynsha, ásirese júkti kelinshekter ishinde sary qarbyzǵa jerik bolatyndar kóp. Sondaı-aq, alys-jaqyn qalalardan arnaıy tapsyrys beretinder de bar.
«Almatyǵa ár barǵanda 50-ge jýyq qarbyz alyp kelemiz. Syrty qalypty qarbyz bolǵanymen, ishi sary. Bir jetiniń ishinde ótip ketedi. Qarbyzdyń bir danasy 3500-4000 teńge turady. Dámi til úıiredi. Suranys ta jaqsy. Negizgi tutynýshylarymyz júkti kelinshekter», - deıdi Darhan Shoqanuly.
Ekzotıkalyq jemister dúkeninde shetelden jetkiziletin jemis-jıdekter kóp. Mango, ananas, lımonnyń túr-túri bar. Jańadan kelgen jemisterdi dúken ıesi árdaıym vıdeoǵa túsirip, jelige júktep otyrady. Tipti, qabyǵyn qalaı ashyp, qalaı jeý kerektigin de vıdeo arqyly túsindiredi.
«Bizde qarbyz jyl on eki aı satylady. Qyzyl qarbyz da bar. Ony da shetelden aldyramyz», -deıdi kásip ıesi.
