Túrkistanda eki ógeı qyzyn zorlady degen kúdikpen er adam qamaldy

TÚRKІSTAN. KAZINFORM — Kentaý qalasynda 45 jastaǵy er adam kámeletke tolmaǵan ógeı qyzdaryn 5 jyl boıy zorlaǵan degen kúdikke ilindi. 

Áleýmettik jelide taraǵan aqparatqa sáıkes, er adam eki qyzdy 6 jáne 8 jastan bastap zorlap kelgen. 

Osyǵan qatysty Túrkistan oblysy polıtsııa departamenti resmı túsinik berdi.

— 2025 jyldyń jeltoqsanynda Kentaý qalasynyń kámeletke tolmaǵan eki turǵynyna qatysty zańsyz áreketter boıynsha polıtsııaǵa aryz tústi. Atalǵan fakti boıynsha sotqa deıingi tergeý amaldary júrgizilip jatyr. Kúdikti ustalyp, ýaqytsha ustaý ızolıatoryna qamaldy. Tergeý qorytyndysy boıynsha elimizdiń zańnamasyna sáıkes sheshim qabyldanady, — dep habarlady oblystyq PD baspasóz qyzmeti.

Sonymen qatar, tergeý múddesine baılanysty ózge aqparattar jarııa etilmeıtini naqtylandy.

Budan buryn BQO-da kishkentaı qyzdy zorlaǵan er adam ómir boıyna bas bostandyǵynan aıyrylǵanyn jazǵan edik.