Túrkistanda dron ushyrýǵa ýaqytsha tyıym salyndy
TÚRKІSTAN. KAZINFORM — Qalada halyqaralyq is-sharalarǵa baılanysty dron paıdalanýǵa ýaqytsha shekteý qoıyldy. Bul shara qaýipsizdikti qamtamasyz etý maqsatynda qabyldanǵan.
15 mamyrda Túrkistan qalasynda Túrki memleketteri uıymynyń (TMU) beıresmı sammıti ótedi. Osyǵan oraı 6-15 mamyr aralyǵynda qala aýmaǵynda dron ushyrýǵa shekteý engizildi.
— Qala aýmaǵynda ushqyshsyz ushý apparattaryn ýákiletti organdardyń ruqsatynsyz paıdalanýǵa qatań tyıym salynady, — delingen qala ákimdigi taratqan aqparatta.
Sondaı-aq vedomstvo ókilderi drondardy zańsyz qoldaný ákimshilik jaýapkershilikke ákeletinin atap ótti. Talaptardy buzǵan tulǵalarǵa aıyppul salynyp, ushqyshsyz ushý apparaty tárkilenýi múmkin.
Budan buryn Túrki elderi Túrkistan sammıti aldynda ıntegratsııany kúsheıtýge nazar aýdarǵanyn jazǵan edik.
