Túrkistanda drıft jasaǵan júrgizýshi jaýapqa tartyldy
TÚRKІSTAN. KAZINFORM — Polıtsııanyń áleýmettik jelige júrgizgen monıtorıngi nátıjesinde Túrkistandaǵy kóshelerdiń birinde BMW avtokóliginiń júrgizýshisiniń jol qozǵalysy erejelerin óreskel buzyp, drıft jasaǵany anyqtaldy.
Tekserý barysynda kólikti 19 jastaǵy jas jigit basqarǵany belgili boldy. Quqyq buzýshyǵa tıisti shara kórilip, avtokólik arnaıy aıypturaqqa qoıyldy.
Polıtsııa qyzmetkerleri júrgizýshilerdi jol qozǵalysy erejelerin qatań saqtaýǵa, qoǵamdyq oryndarda qaýipti manevrler jasamaýǵa jáne ózge jol qozǵalysyna qatysýshylardyń ómiri men densaýlyǵyna qaýip tóndiretin áreketterge jol bermeýge shaqyrady.
Aıta ketelik Tarazda drıft jasaǵan júrgizýshi qamaýǵa alynǵan edi.
