Túrkistanda birqatar kóshelerde kólik qozǵalysy ýaqytsha shekteledi
TÚRKІSTAN. KAZINFORM — Túrki memleketteri uıymynyń beıresmı sammıtine oraı 15 mamyr kúni Túrkistan qalasynyń birqatar kóshelerinde avtokólik qozǵalysyna ýaqytsha shekteý qoıylady.
— Ýaqytsha shekteýler kezeń-kezeńimen «Altyn sharshy» aýmaǵynda, B.Batyrbekov, T.Bokın, S.Qojanov jáne Baıburt kóshelerinde, sondaı-aq «Kerýen saraı» týrıstik aımaǵy, B.Sattarhanov dańǵyly, № 11, № 32 jáne № 9 kósheler, Shymkent tas joly, Esim han dańǵyly men Áýejaı tas jolynda engiziledi, — delingen qala ákimdigi taratqan aqparatta.
Osyǵan baılanysty qala basshylyǵy turǵyndar men qonaqtardy ýaqytsha engiziletin shekteýlerdi eskerip, jol baǵytyn aldyn ala josparlaýǵa shaqyrdy.
Jol qozǵalysyn retteý úshin ýaqytsha jol belgileri men baǵyttaýshy kórsetkishter ornatylady.
Budan buryn Qoja Ahmet ıAsaýı kesenesi men mýzeı-qoryqqa qarasty barlyq mýzeıler 14-15 mamyr kúnderi kelýshiler úshin jabyq bolatyny habarlandy.
