Túrkistanda aǵashtar búrshik ata bastady

TÚRKІSTAN. KAZINFORM – Áleýmettik jelide sıren aǵashynyń búr jaryp turǵan sáti jarııalandy.

Túrkistan qalasynda aǵashtardyń búrshik jara bastaǵanyn fotograf Nahyp Shyntemırov taspalap alǵan. Sodan áleýmettik jelidegi paraqshasyna jarııalady. Onda Q.A.ıAsaýı atyndaǵy HQTÝ aldyndaǵy aǵashtardyń kógere bastaǵynyn kórýge bolady.

Jazbaǵa pikir jazǵan oqyrmandardyń bir bóligi «úsip qalatyn boldy» dep alańdaýshylyq bildirse, ekinshi tarap qańtarda búr jarǵan aǵashtarǵa tań qalysyp jatyr. Olardyń arasynda «Bizde aqtútek boran», «Ádemi kórinis!» degen jazbalar bar.

Al, avtordyń ózi «Sıren aǵashynyń búrshikteri úsigenimen qaıta shyǵady. 25-35 gradýsqa deıin shydaıdy», - dep jazdy.

«Syrdarııa-Túrkistan» óńirlik tabıǵı parkiniń ǵylymı qyzmetkeri Ǵanı Nazarbek bul tabıǵı qubylys degen baǵa berdi.

- Jalpy kún jylynǵanda kez kelgen ósimdik, aǵash denesinen sól bóledi. Sodan búrshik paıda bolady. Al, kún qaıta salqyndaǵanda qalpyna keledi. Ońtústik óńirde bıyl qys jaqsy bolyp tur. Kún álide salqyn, jerde qar bar. Ótken jyldary qańtar aıynda jer kógerip, báısheshek shyǵyp ketken bolatyn, - dedi ol.