Túrkistanda adamdardyń ýlaný faktisine qatysty tergeý bastaldy

TÚRKІSTAN. KAZINFORM - Qazirgi ýaqytta barlyq mán-jaıdy anyqtaý boıynsha qajetti is-sharalar jalǵasýda.

Túrkistan oblysy polıtsııa departamentiniń baspasóz qyzmeti taratqan aqparatqa súıensek, qaladaǵy adamdardyń ýlaný faktisi boıynsha saraptama taǵaıyndalǵan. Polıtsııa QR QK-niń 304-baby «Sanıtarııalyq qaǵıdalardy nemese gıgıenalyq normatıvterdi buzý» boıynsha tergeý júrgizýde. 

«Qazirgi ýaqytta barlyq mán-jaıdy anyqtaý boıynsha qajetti is-sharalar jalǵasýda. Olardyń nátıjeleri boıynsha tıisti sheshim qabyldanatyn bolady», - delingen vedomstva aqparatynda. 

Al, Túrkistan oblysynyń sanıtarııalyq-epıdemıologııalyq baqylaý departamenti óńirde naqtylanbaǵan dıagnozben 57 naýqas tirkelgendigin málimdedi. Olardyń ishinde Túrkistan qalasynan - 49, Saýran aýdanynan - 6, Túlkibas aýdanynan 2 adam bar.

Sondaı-aq, 29 eresek, 11 jasóspirim jáne 14 jasqa deıingi 17 bala bolǵan. 

Qazirgi tańda juqpaly aýrýlar bóliminde 22 naýqas statsıonarlyq em alýda. Qalǵany jaǵdaılarynyń jaqsarýyna baılanysty ambýlatorııalyq em qabyldaý úshin úı jaǵdaıyna shyǵarylǵan. 

Naýqastardyń barlyǵy Túrkistan qalasynda ornalasqan «ıAmmı Makı» kafesinen pıtstsa, sýshı, chıken taǵamdaryn tapsyryspen úıge aldyrtyp tutynǵan. 3-4 saǵattan keıin naýqastarda birneshe ret qusý, ish ótýi, bas aınalý, asqazannyń aýyrsynýy, aıaq-qoldyń muzdaýy, erinderiniń kógerýi, jalpy álsizdik pen mazasyzdyq belgileri bastalǵan.

Barlyq naýqastarǵa jedel járdem brıgadasy jáne juqpaly aýrýlar bólimi qyzmetkerlerimen alǵashqy medıtsınalyq kómek kórsetilip, mıkrobıologııalyq zertteýge bıomaterıaldar alyndy.

Qazirgi tańda epıdemııaǵa qarsy zerdeleý jumystary men is-sharalar júrgizilýde.

Aıta keteıik, budan buryn Túrkistanda sýshı jegen 22 turǵyn ýlanyp qalǵanyn jazǵan bolatynbyz.