Túrkistanda adamdar sýshıdan ýlanǵan kafe qaıtadan zańsyz jumys istegen

TÚRKІSTAN. KAZINFORM – Sońǵy jyldary Túrkistan oblysynda qoǵamdyq tamaqtaný oryndarynda jappaı taǵamnan ýlaný jaǵdaıynyń tirkelýi jıilegen. Bul týraly óńirlik kommýnıkatsııalar qyzmetinde ótken brıfıngide málim boldy.

Oblystyq Sanıtarııalyq-epıdemıologııalyq baqylaý departamentiniń málimetinshe, sońǵy 3 jylda óńirde taǵamnan ýlanýdyń 6 jaǵdaıy tirkelip (Arys - 1, Kentaý - 1, Keles - 1, Túrkistan - 2, Saıram - 1), 200-den asa adam zardap shekken.

– Bıyl Túrkistan qalasynda ornalasqan «ıAmmı Makı» fast-fýd ortalyǵynan pıtstsa, sýshı, taýyq taǵamdaryn tapsyryspen úıge aldyrtyp tutynǵan 68 adam zardap shegip, qoǵamdyq tamaqtaný orny jabylǵan. Alaıda jeke kásipker tapsyryspen halyqqa qyzmet kórsetýin toqtatpaǵan. Qaladaǵy Nyshanov kóshesi №1A mekenjaıyndaǵy osy nysanda ekinshi ret tamaqtan ýlaný jaǵdaıy tirkeldi. Zardap shekkender sany - 14 adam. Naýqastardyń barlyǵy pıtstsa, sýshı taǵamdaryn tapsyryspen úıge aldyrtyp tutynǵan, – dedi oblystyq Sanıtarııalyq-epıdemıologııalyq baqylaý departamenti basshysynyń orynbasary Asqar Bekbolatuly.

Atalǵan jaǵdaılarǵa baılanysty oblystyq Sanıtarııalyq-epıdemıologııalyq baqylaý departamentiniń aýmaqtyq basqarmalary tarapynan nysandarǵa jospardan tys tekserý júrgizilip, sanıtarııalyq-epıdemıologııalyq talaptardyń saqtalmaı óreskel kemshilikterge jol berilgendigi anyqtaldy.

Qazir nysan jabylyp, polıtsııa bólimi tarapynan qylmystyq is qozǵalǵan. Sonymen qatar departament tarapynan jalpy 919 tamaqtaný ornyna profılaktıkalyq baqylaý júrgizilgen.

Budan buryn Túrkistan oblysyndaǵy qoǵamdyq tamaqtaný oryndarynda ýlaný jaǵdaılary jıilegenin jazǵan edik.