Túrkistanda 94 zańsyz qurylys nysany anyqtaldy
TÚRKІSTAN. KAZINFORM – Túrkistan qalasynda zańsyz qurylys nysandaryna qatysty tıisti sharalar qabyldanyp jatyr.
Túrkistan qalasy sáýlet jáne qala qurylysy bóliminiń basshysy Muhıt Kóshenovtyń aıtýynsha, shaharda jyl basynan beri 94 zańsyz qurylys nysany anyqtalǵan.
– Onyń ishinde 9 nysan óz erkimen buzylyp, 29 nysanǵa 15 mln teńgeden astam ákimshilik aıyppul salyndy. 35 nysan qaralý ústinde, al 22 nysan boıynsha buzý týraly sotqa joldandy, – dedi Muhıt Kóshenov.
Spıkerdiń málimetinshe, 2022-2026 jyldary qala aýmaǵyndaǵy zańsyz qurylys nysandaryna qatysty 14 sot sheshimi shyqqan. Onyń ishinde 2 nysan buzylyp, 12-si sot sheshiminiń oryndalýynda tur.
Zańsyz qurylys nysandaryn anyqtaý jáne olarǵa qatysty tıisti sharalar qabyldaý jumystary jalǵasyp jatyr.
Aıta keteıik, buǵan deıin Túrkistannyń jańartylǵan bas josparyna sáıkes memleket muqtajyna alynatyn jer kólemi 2700 gektardan 700 gektarǵa deıin qysqarǵany habarlanǵan bolatyn. Sonyń nátıjesinde 8 myńǵa jýyq jeke turǵyn úıdi buzý qajettiligi joıyldy.
