Túrkistanda 7 jylǵa júrgizýshi kýáliginen aıyrylǵan azamat mas kúıde kólik tizgindegen
TÚRKІSTAN. KAZINFORM – Túrkistanda birneshe jylǵa kólik basqarý quqyǵynan aıyrylǵanyna qaramaı mas kúıde rólge otyrǵan júrgizýshi ustaldy.
Túrkistan qalasynda jol qozǵalysy qaýipsizdigin qamtamasyz etý maqsatynda qyzmet atqaryp júrgen patrýldik polıtseıler túngi ýaqytta Jańa qala shaǵynaýdanynda kúmándi qozǵalǵan «VAZ-2106» avtokóligin toqtatty.
Tekserý kezinde júrgizýshiniń alkogoldik masań kúıde bolýy múmkin ekeni baıqalyp, ol medıtsınalyq kýálandyrýǵa jiberildi. Tekserý barysynda 30 jastaǵy azamattyń kólikti mas kúıde tizgindegeni belgili boldy.
Oblystyq polıtsııa departamentiniń málimetinshe, júrgizýshi 2021 jyly dál osyndaı quqyq buzýshylyq jasaǵany úshin sot sheshimimen 7 jyl merzimge kólik quralyn basqarý quqyǵynan aıyrylǵan.
– Jaza merzimi aıaqtalmaı turyp qaıtadan óreskel zań buzǵan júrgizýshige qatysty sotqa deıingi tergep-tekserý amaldary júrgizilip jatyr, – dep habarlady vedomstvo.
Eske salaıyq, maýsym aıynda Túrkistan oblysy Arys qalasynda mas kúıde kólik tizgindegen áıel 3 adamnyń ómirin qıdy.
