Túrkistanda 41 jastaǵy áıel úshemdi dúnıege ákeldi
TÚRKІSTAN. KAZINFORM — Sábılerge Aıqyn, Aıdyn jáne Arsen esimderi berildi.
Túrkistan qalasyndaǵy № 3 oblystyq perınataldyq ortalyqta 41 jastaǵy Marına Jurymbaeva úsh uldy dúnıege ákeldi. Júktilik merzimi 32 apta bolǵan. Bosaný kesar tiligi ádisimen ótti.
Oblystyq densaýlyq saqtaý basqarmasynyń málimetinshe, ul balalardyń salmaǵy 1715, 1955 jáne 1999 gramm boldy.
— Shala týǵandyqtan náresteler ómiriniń alǵashqy táýliginde tynys alý apparatyna qosylyp, jansaqtaý bólimshesinde 10 táýlik dárigerlerdiń baqylaýynda boldy. Jaǵdaılary turaqtalǵan soń sábıler anasymen birge arnaıy kútimdi qajet etetin náresteler bólimine aýystyryldy, — delingen vedomstvo aqparatynda.
Ákesi sábılerge Aıqyn, Aıdyn jáne Arsen esimderin berdi. Otbasynda buǵan deıin bir ul men bir qyz tárbıelenip otyr.
Dárigerlerdiń aıtýynsha, úshem otbasynda 15 jyldyq úzilisten keıin dúnıege kelgen sábıler.
Náresteler 35 táýlikten keıin anasymen birge qanaǵattanarlyq jaǵdaıda úıine shyǵaryldy.
Budan buryn Túrkistan oblysynda 5 balanyń anasy dúnıege úshem ákelgenin jazǵan edik.