Túrkistanda 4 jasar búldirshindi izdeýge dron men ıisshil ıtter tartyldy
Túrkistan oblysynda 4-jasar Baqyt Aıbar Aldııarulyn izdestirý jumystary jalǵasyp jatyr. Kazinform bul týraly Rolisia.kz-ke silteme jasap habarlaıdy.
Bala 1 jeltoqsan kúni keshke oınaýǵa shyǵyp, iz-túzsiz ketken.
Polıtseıler izdestirý jumystaryn táýliktep jalǵastyrýda. Kómekke volonterler, tótenshe jaǵdaılar qyzmetkerleri men ulttyq ulan sarbazdary tartyldy. Sondaı-aq dron qurylǵysy men ıisshil ıtter jumyldyryldy.
Jeke basy men túr-tulǵasy boıynsha málimetter foto sýretimen birge taratyldy.
«Baqyt Aıbar Aldııaruly 2019 jyly týǵan. Boıy 60-65 sm, shashy qara-qońyr tústi. Ústinde sur tústi torly jeıde, qońyr tústi shalbar, aıaǵynda rezeńke aıaq kıim (galosh) bolǵan. Kórgen-bilgen adamdar bolsa, shuǵyl polıtsııanyń kezekshi bólimine 8-725-33-5-97-65, 8-725-33-97-40-94 nemese +77014596666, +77026376600, +77759962793, sondaı-aq 102 nómirine habarlasýdy suraımyz», - delingen Túrkistan oblysy Polıtsııa departamentiniń málimetinde.
Búldirshinniń joǵalǵany týraly buǵan deıin jazǵan bolatynbyz.
