Túrkistanda 2,5 tonna naýryz kóje pisirildi
TÚRKІSTAN. KAZINFORM — Óńirde 2025 jyldyń týrıstik maýsymy ashyldy.
«Túrkistan — Túrki áleminiń rýhanı astanasy» taqyrybymen óńirdiń týrıstik maýsymy ashyldy. Oblystyń týrıstik áleýetin, ınfraqurylymyn jaqsartý jáne qonaqtarǵa joǵary deńgeıde qyzmet kórsetý maqsatynda uıymdastyrylǵan sharada kórermenderge erekshe shoýlar usynyldy.
«Jana lep» shyǵarmashylyq ujymy qazaqtyń ulttyq ánderin oryndap, kópshilikti súısindirdi. Sondaı-aq zamanaýı áýender shyrqalyp, balalar ulttyq oıyndardy oınady.
Týrıster men túrkistandyqtardy tańǵaldyrǵan merekede tarıhı tulǵalar men keıipkerler engizilgen kerýen júrip ótti.
Týrıstik merekede 2,5 tonna naýryz kóje pisirilip, jurtshylyqqa usynyldy. Kóje 150 teńgeden satyldy. Jınalǵan barlyq qarajat balalar úıine qaıyrymdylyq retinde beriledi bolady. Qonaqtar men túrkistandyqtar naýryzkójemen aýyz ashyp, bir-birin merekemen quttyqtady.
Sıqyrshylar qoıylymy kórsetilip, baraban shoýy uıymdastyryldy. Tamaqty jyldam jeýden jarys ótip, qolónershiler shoýlary kórsetildi.
Aıta keteıik, budan buryn Túrkistan «KInES» rekordtar kitabyna enýge nıetti ekendigin jazǵan bolatynbyz.