Túrkistanda 200 adamdy jumyspen qamtıtyn zaýytyń irgetasy qalandy
TÚRKІSTAN. KAZINFORM – Búgin Túrkistandaǵy «Turan» arnaıy ekonomıkalyq aımaǵynda jańa zaýyttyń irgetasyn qalaý rásimi ótti. Oǵan Túrkistan oblysynyń ákimi Darhan Satybaldy arnaıy qatysyp, jańa jobany júzege asyrý baǵytyndaǵy jumystarǵa sáttilik tiledi. Bul týraly Túrkistan oblysy ákiminiń baspasóz qyzmeti málimdedi.
– Óndiris oryndaryn ashý, jumys oryndaryn kóbeıtý – negizgi baǵytymyz. Túrkistan oblysynda osy salaǵa nazar aýdarylyp, tıisti jumys júrýde. Investorlarmen kelissózder júrgizilip, mańyzdy kelisimder jasalyp jatyr. Búgin irgetasy qalanǵan zaýyt ta óńirdiń áleýetin kóterýge serpin beredi degen oıdamyn. Jumystaryńyzǵa sáttilik tileımin, – dedi Darhan Satybaldy.
«PSI Machinery» kompanııasynyń dırektory Pavel Beklemıshev jobamen tanystyrdy. «PSI Machinery» kompanııasynyń bul zaýytyda taý-ken isine jáne qurylystyń ózge de salalaryna baǵytalǵan aýyr qurylǵylar, júk kólikteri men tehnıkalarǵa arnalǵan shydamdy tirkemeler, bólshekter, metall konstrýktorlary shyǵarylatyn bolady.
Jobanyń quny – 8,33 mlrd teńge. Jer aýmaǵy – 20 gektar, 200 adam jumyspen qamtylady. 2025 jyly ashylatyn zaýyttyń jyldyq qýattylyǵy – 965 tonna.
Aıta keteıik, PSI – bul PSI Engineering, PSI Energy & Control jáne Qarasaı mashına óndirý zaýyty (QMOZ) kiretin jalpy tanylǵan kompanııalar toby. 2002 jyly qurylǵan. Top ınjenerlik jobalaý men materıaldyq-tehnıkalyq jabdyqtaýdan bastap, ónerkásiptik obektilerdi salýǵa jáne paıdalanýǵa berýge, sondaı-aq taý-ken ónerkásibin, energetıkany, metaldar men munaı men gazdy qosa alǵanda, naryqtyń negizgi sektorlary úshin metall konstrýktsııalary men modýldik qosalqy stantsııalardy daıyndaýǵa deıingi keshendi qyzmetterdi usynady.
Búgingi tańda PSI Group kompanııasynda 2000-nan astam adam jumys isteıdi. Seriktesteri: «KAZ Minerals» JShS, «Teńizshevroıl» JShS, «Qarashyǵanaq Petrolıým Opereıtıng B. V.», «Karabatan Utility Solutions» JShS, «KATKO» BK JShS, «Qazhrom» TUK» AQ jáne ózgeler.
