20:11, 28 Qazan 2024 | GMT +6
Túrkistanda 15 jyl boıy memleketaralyq izdeýde júrgen eki sheteldik ustaldy
TÚRKІSTAN. KAZINFORM – Túrkistandyq tártip saqshylary 15 jyl boıy memleketaralyq izdeýde júrgen eki sheteldikti ustady.
Birqatar aýyr qylmys jasaǵany úshin kúdiktilerge 2009 jyldan beri óz eldinde izdeý jarııalanǵan. Qazirgi ýaqytta olar ýaqytsha ustaý ızolıatoryna qamaýǵa alyndy.
«Túrkistan oblysy polıtsııa departamentiniń ekstremızmge qarsy is-qımyl basqarmasynyń qyzmetkerleri «izdestirý» jedel-profılaktıkalyq is-sharasy aıasynda 15 jyl memleketaralyq izdeýde bolǵan eki shetel azamatyn ustady. Barlyq jaǵdaılar anyqtalýda» - delingen Túrkistan oblysy polıtsııa departamentiniń baspasóz qyzmeti usynǵan aqparatta.
Aıta keteıik, budan buryn Almaty oblysynda atys bolyp, úsh adam zardap shekkenin jazǵan bolatynbyz.
