Túrkistan jáne Jambyl oblystarynyń aralyǵynda jol jabyldy

ASTANA. KAZINFORM — Túrkistan jáne Jambyl oblystarynyń aralyǵynda aýa raıynyń buzylýyna baılanysty shekteý qoıyldy, dep habarlaıdy «QazAvtoJol» UK.

— Aýa raıynyń buzylýyna baılanysty 2024 jylǵy 20 jeltoqsanda saǵat 09:00–da Túrkistan oblysynda respýblıkalyq mańyzy bar «Almaty-Tashkent-Termez» avtojolynyń 593-663 shaqyrym aralyǵynda (Jambyl oblysynyń shekarasynan — Qarabulaq aýylyna deıin) kóliktiń barlyq túriniń qoǵalysyna shekteý qoıylady, — delingen habarlamada.

Qazir jolshylar joldy qardan tazalaý jumystaryn atqaryp jatyr.

— Eskertemiz, joldaǵy aýa raıy jaǵdaıyn aldyn ala bilip, qaýipsizdik sharalaryn saqtańyz! 1403 baılanys ortalyǵyna habarlasyp, táýlik boıy qosymsha aqparat alýǵa bolady, — dep eskertti kompanııa júrgizýshilerdi.

Aıta keteıik, buǵan deıin Tuzdybastaý aýylynan Besqaınar aýylyna deıingi aralyqta júk jáne qoǵamdyq kólikter úshin qozǵalysqa shekteýler engizildi.