Túrkistan týrıster sanyn kóbeıtý úshin Ózbekstanmen birlesken týrpaketter ázirledi
ASTANA. KAZINFORM — Túrkistan oblysy Ózbekstanmen týrızm jáne ınvestıtsııa salasyndaǵy yntymaqtastyqty kúsheıtip jatyr, dep habarlaıdy Úkimettiń baspasóz qyzmeti.
Túrkistan oblysy týrızm, etti mal sharýashylyǵy jáne balyq sharýashylyǵy salalarynda Ózbekstannyń birqatar oblysymen óńiraralyq ózara is-qımyldy keńeıtip jatyr.
Bul týraly Túrkistan oblysynyń ákimi Nuralhan Kósherov Qazaqstan men Ózbekstan óńirleri basshylary keńesiniń birinshi otyrysynda málimdedi.
— Qazaqstan men Ózbekstan óńirleri basshylary keńesiniń birinshi otyrysy aıasynda biz eki eldiń óńirleri arasyndaǵy qarym-qatynasty nyǵaıttyq. Qazirgi tańda Túrkistan oblysy Tashkent oblysymen belsendi yntymaqtastyq ornatyp keledi. Sonymen qatar biz týrızmdi damytý maqsatynda Samarqand oblysymen, Buhara jáne Hıýa aımaqtarymen kelisimder jasadyq jáne baılanys ornattyq. Túrkistan qalasyndaǵy týrıstik kompanııalar men qonaqúılerdiń ókilderimen birge Hıýa, Buhara jáne Samarqand qalalaryna issaparmen baryp qaıttyq. Ekijaqty týrıstik paketter ázirlendi. Qazir týrıster aǵynyn arttyrý baǵytynda jumys júrgizip jatyrmyz. Ótken jyldyń ózinde óńirimizge 1,5 mln týrıst keldi, — dedi Túrkistan oblysynyń ákimi.
Sonymen qatar ekijaqty kelisimder aıasynda Ózbekstannyń «Meat Magnet» kompanııasy óńirde et óndirisi jobasyn júzege asyrýda. Sondaı-aq Ózbekstannan tartylǵan ınvestorlar balyq sharýashylyǵyn damytýǵa jáne demalys aımaqtaryn qurý jobalaryna qatysyp jatyr.
Buǵan deıin Túrkistan oblysynda 172 mlrd teńgelik taý shańǵysy klasteri salynýy múmkin ekenin jazǵanbyz.
