Túrkistan turǵyny búıregin 13 mıllıon teńgege satpaq boldy
TÚRKІSTAN. KAZINFORM – Túrkistan turǵyny óz búıregin satpaq bolyp ustaldy, sot raqymshylyq jasady.
Túrkistan qalasynyń aýdanaralyq sotynda transplantatsııalaý ne ózgedeı paıdalaný úshin tiri adamnyń aǵzalaryna qatysty zańsyz mámileler jasaýǵa oqtalý boıynsha aıyptalǵan turǵynǵa qatysty qylmystyq isti qarady.
Oblystyq sottyń málimetinshe, aıyptalýshy 2025 jylǵy aqpan aıynda óz búıregin satý maqsatynda «Telegram» arqyly jarnama jarııalap, isin ımıtatsııalyq túrde ishki ister organdary qyzmetkerimen kelisip, 13 mln teńgege satýdy josparlaǵan. Ustalǵan kezde ol 5 mln teńge qarajatty alǵan.
Sottalýshy kinásin tolyq moıyndap, áreketine aýyr materıaldyq jaǵdaıy men aqsha qarajatyna muqtajdyǵy sebep bolǵanyn, jasaǵan isine ókinetinin jetkizdi.
– Sot jasalǵan áreket aýyrlyǵy ortasha qylmys sanatyna jatatynyn jáne zııan keltirilmegenin eskere otyryp, «Qazaqstan Respýblıkasy Konstıtýtsııasynyń 30 jyldyǵyna baılanysty raqymshylyq jasaý týraly» Qazaqstan Respýblıkasy Zańyn qoldanyp, 05.02.2026 jyly sottalýshy M.-di qylmystyq jaýaptylyqtan bosatyp, is júrgizýdi toqtatty, - delingen habarlamada.
Qaýly zańdy kúshine engen joq.
Budan buryn Oralda 33 jastaǵy turǵyn óziniń búıregin shetelge satpaq bolǵanyn jazǵan edik.