Túrkistan telearnasynda «jasandy ıntellekt» baǵdarlama júrgize bastady
Túrkistan telearnasynda «jasandy ıntellekt» arnaıy baǵdarlama júrgize bastady, dep habarlaıdy Kazinform.
Kúnshýaq Tabıǵatqyzy esimdi «robot» qyz ázirge kún raıynyń boljamy aıdaryn júrgizedi. Alǵash kórgen adam súıkimdi kelbeti men mánerlep sóıleý ádebine qarap, «jasandy ıntellekt» ekendigin bilmeı de qalady.
«Jalaqy tólemeımiz, aýyryp qalmaıdy, daýysy, máneri buzylmaıdy, boıanbaıdy. Qaı jaǵynan alyp qarasańyz da tıimdi. Biz aýa raıy boljamynyń tekstin aldyn ala jazyp beremiz, sodan «jasandy ıntellekt» jasaıtyn programmaǵa az ǵana aqsha tóleımiz. Boldy. Kúnshýaq Tabıǵatqyzy efırge shyǵyp, baǵdarlamany joǵary deńgeıda alyp shyǵady» - deıdi telearna dırektory Janahmet Aǵybaev.
Kún raıyn júrgizetin bolǵandyqtan ujym músheleri robot qyzdy «Kúnshýaq» dep ataǵan. Al, tegin «Tabıǵatqyzy» dep alypty.
Aldaǵy ýaqytta telearna basshylyǵy «jasandy ıntellekt» jobasyn ekinshi baǵdarlama júrgizýshisine jasatyp, synap kórmek. Eger joba sátti shyǵyp jatsa, robot júrgizýshi kórermenderdi qyzyqty jańalyqtarmen tanystyryp otyratyn bolady.
Posmotret etý pýblıkatsııý v Instagram
