Túrkistan stantsııasynda bes jasar bala poıyz astyna túse jazdady
ASTANA. KAZINFORM — Jolaýshylar poıyzynyń mashınısi bes jasar balany basýdyń aldyn aldy, dep habarlaıdy QTJ baspasóz qyzmeti.
20 maýsymda saǵat 15:08–de Túrkistan — Shıeli ýchaskesinde, Shornaq stantsııasy aýdanynda № 7/8 Almaty-2 — Saratov qatynasyndaǵy jolaýshylar poıyzynyń mashınısi temirjolda qalǵan bes jasar balany basýǵa jol bermedi.
— Lokomotıv brıgadasy 70 km/saǵ bolatyn poıyz jyldamdyǵynda shuǵyl tejeýdi qoldandy, sonyń arqasynda qaıǵyly jaǵdaıdyń aldy alyndy. Poıyzdyń keshigýi 4 mınýtty qurady. Temir jol ýchaskesi qorshaýmen jabdyqtalǵan. Bala qaýipti aımaqta eresekterdiń qaraýynsyz boldy. Lokomotıv brıgadasynyń kásibıligi men qyraǵylyǵynyń arqasynda qaıǵyly jaǵdaıǵa jol berilmedi, — delingen habarlamada.
QTJ ata-analardy balalardy temir joldar janynda qaraýsyz qaldyrmaýǵa jáne olarǵa temir jol kóligi obektilerinde qaýipsiz júris-turys erejelerin túsindirýge shaqyrady.
Osyǵan deıin Aqtóbede temirjolshy jumys ornynda jaraqat alyp, tósekke tańylyp qalǵanyn jazǵanbyz.
