Túrkistan-Samarqand baǵytynda áýe reısi ashyldy
TÚRKІSTAN. KAZINFORM - Ortalyq Azııa elderi arasyndaǵy týrızm yntymaqtastyǵyn jandandyrý maqsatynda Túrkistan-Samarqand baǵytynda alǵashqy halyqaralyq áýe reısi ashyldy.
«Qazaq air» áýekompanııasyna tıesili ushaqpen Túrkistannan attanǵan 80-ge jýyq saıahatshyny samarqandyqtar erekshe saltanatpen qarsy aldy.
Reıster zamanaýı, jaıly «De-Havilland Dash 8-Q400» áýe laınerlerimen aptasyna 2 ret, juma jáne jeksenbi kúnderi oryndalady. Túrkistan qalasynan jergilikti ýaqyt boıynsha 20:20-da, al Samarqandtan 21:20-da ushady.
«Biregeı týrıstik resýrstarǵa ıe Ortalyq Azııa óńiri týrızm salasyn qarqyndy damytyp keledi. Bul turǵyda eki el arasynda tájirıbe almasý, týrızm baǵytynda birlesken jobalardy júzege asyrý josparlanyp otyr», - delingen Túrkistan óńirlik kommýnıkatsııa qyzmeti taratqan aqparatta.