Túrkistan óńiriniń túlekteri aýyldaryna «Rámizder» alańyn tartý etip jatyr
TÚRKІSTAN. KAZINFORM-Búgin Saýran aýdany Nurtas aýylynda Rámizder alleıasy ashyldy. Sondaı-aq, aýyldaǵy Amangeldi atyndaǵy jalpy orta mektebin 20 jyl buryn bitirgen túlekter 27 metr bıiktikke Memlekettik Tý ornatty.
Túrkistan oblysynda mektepti 20-30 jyl buryn bitirgen túlekter týǵan aýyldaryna «Rámizder» alańy men Týtuǵyr salyp berýde.
Ótken jyly Sozaq aýdanyndaǵy túlekterdiń osyndaı tartýy aýyl turǵyndaryn qýanyshqa bólegen bolatyn. «Sozaq» mektep gımnazııasyn 20 jyl buryn bitirgen túlekter aýylǵa kire-beristegi saıabaq aldyna «Rámizder» alańyn salyp berdi. 23 metr bıiktikke Memlekettik Tý ornatyldy jáne Eltańba men Qazaqstan kartasy beınelenip, Ánuran men aýyl tarıhy jazylǵan úlken belgi qoıyldy. Alleıa aýmaǵy abattandyrylyp, shyrsha egildi.
Sonymen qatar, Otyrar aýdanynyń eki birdeı aýylynda da ıgi bastama iske asty. Atap aıtqanda, Baltakól jáne Maıaqum aýyldarynyń mektepti 20, 30 jyl buryn bitirgen túlekteri óz qarajatyna «Rámizder» alańyn salyp berdi. Jaqsy úrdis bıyl da jalǵasyn tapty. Saýran aýdanyndaǵy mektep túlekteri aýyldaryna 2 Týtuǵyr ornatty.
Búginde jalpy óńirdegi Týtýǵyr sany 26-ǵa jetti. Bıyl Maqtaaral aýdanynda demeýshilerdiń qoldaýymen taǵy da 1 «Rámizder» alańy boı kóteredi dep josparlanyp otyr.
