Túrkistan oblystyq Polıtsııa departamentiniń basshysy mektepterdiń qaýipsizdik júıesin tekserdi
QR ІІM Erjan Sadenovtiń tapsyrmasyna sáıkes, Túrkistan oblysy Polıtsııa departamentiniń basshysy Murat Qabdenov aptanyń dúısenbisin mektepterdiń qaýipsizdik júıesin tekserýden bastady, dep habarlaıdy Kazinform.
Túrkistan oblystyq Polıtsııa departamenti baspasóz qyzmetiniń habarlaýynsha, oblystyń bas polıtseıi №21 M.Poshanov mektebine baryp, bilim basqarmasynyń mamandary, mektep dırektory jáne ustazdarmen tildesti.
Bilim oshaǵyna ornalastyrylǵan «dabyl batyrmasyn» basyp, qyzmetin baqylady. Dabyl bolǵan kezde polıtsııa narıadynyń neshe ýaqytta keletinin jáne qalaı áreket jasaıtynyn tekserdi.
Atalǵan oqý ornyndaǵy beınekameralardy qarap shyǵyp, bekitilgen kúzet qyzmetkerine júktelgen jaýapkershilikti túsindirdi.
Mekteptegi qaýipsizdikke tolyq kóz jetkizgen soń, general oqýshylardy Polıtsııa departamentin ekskýrsııalaýǵa shaqyrdy.
Departamenttiń qyzmetkerleri 100 oqýshy men ustazdarǵa arnap quqyqbuzýshylyqtyń aldyn alý taqyrybynda úlken zalda sabaq ótkizdi.
Sabaq barysynda departament basshysy jasóspirimderge tártipti bolý kerektigin, oıynqumarlyq, nashaqorlyq, zorlyq-zombylyq pen álimjettik týraly aıtyp, bolashaqta ardaqty azamat bolatyndaryna senimin bildiretinin jetkizdi.
Odan ári qaraı bilim alýshylarǵa ónerli tártip saqshylary ónerlerin, sportty serik etkenderi ózderiniń daıyndyqtaryn kórsetse, departamenttiń alańshasynda balalarǵa qarý-jaraqtar, qyzmettik kólikterdiń qyzmeti men tsıfrlandyrý baǵytyndaǵy jumystar tanystyryldy.
Jedel basqarý ortalyǵyna da aıaldaǵan balalar ózderin polıtsııa qyzmetkerleri qalaı baqylap otyratynyn, beınekameralardyń qyzmetin kórip, tanysty.
Tálim-tárbıelik mańyzy bar shara sońynda oqýda ozat oqýshylar men olardyń ustazdary polıtsııa general-maıory Murat Qabdenovtiń atynan alǵyshatpen marapattaldy.
Aıta ketken jón, Túrkistan oblysynyń polıtseıleri balalar arasyndaǵy qylmys pen quqyqbuzýshylyqtyń aldyn alý maqsatynda túrli kezdesýler uıymdastyryp, búgingi tańda bilim oshaqtaryna baryp, quqyqtyq saýattylyqty arttyrý sabaqtaryn ótkizýde.
