Túrkistan oblysy Jer resýrstary departamentiniń basshysy para aldy dep kúdikke ilindi

TÚRKІSTAN. KAZINFORM — Sybaılas jemqorlyqqa qarsy qyzmet jasyryn is-sharalardyń nátıjeleri boıynsha Túrkistan oblysynyń Jer resýrstaryn basqarý departamentiniń basshysyn áshkereledi.  

Ol jer ýchaskelerine memlekettik aktilerdi resimdeýge járdemdeskeni úshin Túrkistan qalasynyń turǵynynan 1 mln teńge kóleminde para aldy dep kúdikke ilindi. 

Kúdikti sottyń sanktsııasymen 2025 jyldyń 28 maýsymynda qamaýǵa alyndy.

Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.

Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.

Buǵan deıin habarlanǵandaı, sybaılas jemqorlyqqa qarsy organ UQK quramyna ótetin boldy. 
Qazaqstan Respýblıkasynyń Ulttyq qaýipsizdik komıtetine qosý arqyly Qazaqstan Respýblıkasynyń Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmet) qaıta uıymdastyrylady.