Túrkistan oblysynyń turǵyny meshitte turǵan sadaqa jáshigindegi aqshany urlap ketken

TÚRKІSTAN. KAZINFORM - Qaıyrymdylyqqa arnalǵan qarjylardy qoldy etken kúdikti qamaýǵa alyndy.

Kúdikti Keles aýdanynyń meshitinde turǵan sadaqa jáshiginen 60 myń teńgeni alyp ketken. Sondaı-aq, Saryaǵash aýdanyndaǵy meshit ımamynyń qyzmettik bólmesindegi seıften qaıyrymdylyqqa jınalǵan 270 myń teńgeni urlaǵan.

«Jedel ýákilder kúdiktiniń ornalasqan jerin anyqtady. Krımınalıstıkalyq ádisterdiń kómegimen Saryaǵash aýdany Tasqudyq aýylynyń turǵynyn ustady. Búgingi tańda jigit qamaýda, tergeý jalǵasýda», - delingen Túrkistan oblysy Polıtsııa departamentiniń baspasóz qyzmeti usynǵan aqparatta.