Túrkistan oblysynyń turǵyny chat arqyly tyıym salynǵan dinı ýaǵyzdardy nasıhattap kelgen
TÚRKІSTAN. KAZINFORM - Polıtsııa qyzmetkerleri destrýktıvti-dinı aǵym jaqtaýshysyn Jetisaı qalasynda ustady.
Túrkistan oblysy Polıtsııa departamenti bastyǵynyń orynbasary Q.Sahovtyń aıtýynsha, jedel-izdestirý is-sharalaryn Túrkistan oblysy Polıtsııa departamentiniń ekstremızmge qarsy is-qımyl basqarmasynyń qyzmetkerleri men ulttyq qaýipsizdik komıteti birlesip júrgizgen.
Buryn birneshe ret sottalǵan 58 jastaǵy er adam messendjerde chat quryp, onda radıkaldy ýaǵyzshylardyń beınematerıaldaryn jarııalap otyrǵan. Sondaı-aq, tyıym salynǵan destrýktıvti-dinı aǵym ıdeologııasyn nasıhattaıtyn habarlamalar taratqan.
«Jedel ýákilder ІІO-da esebinde turatyn kúdiktini Jetisaı qalasynan ustap, ýaqytsha ustaý ızolıatoryna qamaýǵa aldy. Qylmystyq is qozǵaldy. Tıisti saraptamalar taǵaıyndaldy. Qazirgi ýaqytta kúdiktiniń turǵylyqty jeri boıynsha tergeý áreketteri júrgizilip jatyr. Oqıǵanyń tolyq mán-jaıy anyqtalýda» - dedi Q.Sahov.
