Túrkistan oblysynyń turǵyny adam óltirip, oq-dárilerdi saqtaǵany úshin 20 jylǵa sottaldy

TÚRKІSTAN. KAZINFORM – Túrkistan oblysynyń Qylmystyq ister jónindegi mamandandyrylǵan aýdanaralyq soty Qylmystyq kodekstiń 99-babynyń 1-bóligi («Adam óltirý») jáne 287-babynyń 3-bóligi («Oq-dárilerdi zańsyz alý jáne saqtaý») boıynsha aıyptalǵan azamattyń isin qarady.

— 27 maýsym 2025 jyly Jetisaı aýdany Alǵabas aýylynda sottalýshy janjal kezinde jábirlenýshini jippen qylqyndyrǵan. Saldarynan jábirlenýshi sol jerde kóz jumǵan. Qylmysyn jasyrý úshin ol máıitti óz úıiniń aýlasynda kómgen. Sondaı-aq, sottalýshy óz úıinde oıyq uńǵyly ańshylyq atys qarýynyń 32-dana oq-dárilerin zańsyz saqtaǵan, — delingen Túrkistan oblystyq sotynyń baspasóz qyzmeti taratqan habarlamada.

Sottalýshynyń kinási, qylmysty moıyndaǵan jaýaptarymen, kýálerdiń jaýaptarymen, sot saraptama qorytyndylarymen jáne istiń basqada qujattarymen tolyq dáleldendi.

Prokýror sottalýshyny buryn asa aýyr qylmys jasaǵanyn eskerip, 20 jylǵa bas bostandyǵynan aıyrýdy surady. Sottalýshy kinásin moıyndap, jeńil jaza taǵaıyndaýdy surady.

Sot sottalýshynyń kámeletke tolmaǵan balasynyń bolýyn jeńildetetin mán-jaı dep tanyp, al aýyrlatatyn mán-jaıǵa qylmystyń qaýipti qaıtalanýyn eskerdi.

11 tamyz 2025 jyly sot úkimimen sottalýshyǵa 20 jylǵa bas bostandyǵynan aıyrý jazasy taǵaıyndaldy. Sondaı-aq 10 mln teńge kóleminde moraldyq shyǵyn óndirildi.

Aıta ketelik Túrkistanda toı kortejin uıymdastyrǵan júrgizýshiler jaýapqa tartylǵan edi.