Túrkistan oblysynyń taýlarynda alty týrıst qutqaryldy

TÚRKІSTAN. KAZINFORM —  6 týrısti izdegen TJM qutqarýshylary taýly aımaqta 4 shaqyrym, ózen boıymen 1 shaqyrym júrip ótti. Bul týraly TJM habarlady. 

Keshe Shymkent qalasynyń turǵyndary úsh er, úsh  áıel Túrkistan oblysy, Báıdibek aýdanyndaǵy «Úlken Tura» shyńyn baǵyndyrýǵa attanǵan. Alaıda, olar belgilengen ýaqytta oralmaǵan. Olarmen baılanys úzilgen. Týystarynyń biri qutqarýshylardan kómek suraǵan.

Qutqarýshylar «Syrdarııa–Túrkistan» óńirlik tabıǵı parkiniń aýmaǵyna attanyp, 5 shaqyrymǵa jýyq taýly jermen, sonyń ishinde 1 shaqyrym taýly ózenniń boıymen júrip ótti.

Top túngi ýaqytqa qaraı taýdan tabyldy. Belgili bolǵandaı, áıelderdiń biri aıaǵyn syndyryp alǵan, al qalǵandary ony óz kúshterimen tasymaldaı almaǵan.

Aıta ketelik Aqmola oblysynda 100 shaqty týrıst qutqaryldy.